Transcription
1
Monseigneur, dernièrement, incontinent avoir receu la vostre,
2
ensemble les informations que m’envoyastes, je mis la
3
main après le faict, tellement que du lendemain XVIIIe du
4
present, messieurs de la chambre des vaccations m’octroyarent
5
adiournement personnel contre le courrier de Valence et du
6
mesme jour, je feis delivrer au messager et archer du visenechal
7
de robbe courte les lettres pour les aller faire exequuter, ce
8
que je cuide qu’il a faict. J’avois demandé prinse de corps,
9
mais mesdits seigneurs, par plusieurs bons respectz qu’ilz m’ont
10
declairé et que vous eusse escript s’il fut esté besoing,
11
ont esté d’autre advis, avec toutesfois ung retentum qu’estant
12
venu, il passera le guichet. Je vous renvoye la missive
13
qu’avés receu dudit viseneschal, suivant ce que m’avés escript.
14
Monsieur de Moydieu me dict dernierement qu’il vous avoit
15
parlé d’ung singulier trouveur de fontaines et d’eaus,
16
duquel je luy avois parlé et que desiriez fort quil fut
17
de par deça comme je faictz moy mesmes pour la necessité d’eau
18
où je suis en une petite maison que j’ay à Melans.
19
Lon m’a dict quil se nomme Jacques Loubé autrement
20
Loubière. Il s’est tenu durant ces troubles passez à
21
Cezane lès Brianson. Mais despuis, il s’est retiré en
22
son pays de Prouvence au lieu de Forcalquier ou de
23
Manosque, ainsi que m’ont dict certains dudit lieu de
24
Cezanne. Je ne doubte point que s’il vous plaict de
25
vous y employer, que vous n’ayés le moyen de le
26
[v°] faire venir et que par la moindre lettre que vous luy envoyerés,
27
il viendra, car l’on m’a dict qu’il se rend fort facil et
28
se contente de peu. A cause dequoy, je vous vouldrois
29
supplier qu’il vous pleust de luy en escrire et à ceulx
30
qu’adviserés. Sur quoy, je supplieray le Createur
31
Monseigneur, vous donner en santé très longue et heureuse
32
vie. De Grenoble, ce XXIe aoust 1572
33
Votre humble serviteur et amy
34
F de Boffin
35
36
37